پیرۆزبایی سەرکۆمار ئەردۆغان لە ماردین ١٩٦٩ سپۆر بۆ سەرکەوتنی بۆ خولی پلە یەکی ترێندیۆڵ

سەرکۆماری توركیا، ڕەجەب تەیب ئەردۆغان پیرۆزبایی لە یانەی ماردین ١٩٦٩ سپۆر کرد، کە سەرکەوت بۆ خولی پلە یەکی ترێندیۆڵ.

لە پۆستێكیدا لە هەژماری خۆی له‌ NSosyal، سەرکۆمار ئەردۆغان ڕایگه‌یاند: "لە دڵەوە پیرۆزبایی لە ماردین ١٩٦٩ سپۆر دەکەم کە سەرکەوت بۆ خولی پلە یەکی ترێندیۆڵ، پیرۆزبایی لە تەواوی خوشك و برا ماردینییەکانم دەکەم و، لە ئێستاوە هیوای سەرکەوتنیان بۆ دەخوازم لە وەرزی داهاتوودا".